الما يغزر بي كلاص الماي والعشرة لو توكله برميل ملح هم مايغزر
موضوع سالفتنا اليوم عن العشرة بين الناس هذا اكو شيخ عشيرة عنده مضيف و خدم و عنده بنية كلش حلوه.
الشيخ راد يزوج بنته فلهذا جمع كل الشيوخ والناس بمضيفه وجاب الشيخ برميل مليان ملح. كلهم إلي ياكل هذا البرميل مال الملح ازوجه بنتي.
كام اول واحد اكل من البرميل ما كدر كام الثاني هم نفس الشي كلوله شيخنا هذا برميل مايخلص.
كللهم مالي شغله اليخلص البرميل مال الملح و ياكله يزوج بنتي.
گام الخادم مال الشيخ و كاله شيخنا حتى اني اذا
اكلت البرميل تزوجني بنتك.
الشيخ جاوبه وكال اي ازوجك بنتي كام الخادم اكل شوية من الملح.
كله يله شيخنا زوجني بنتك الشيخ كله لا اني كلت الا تاكل البرميل كله.
الخادم كله شيخنا هوه الما تغزر بي هذن ال شوية
ما يغزر بي البرميل ....
الشيخ انعجب بالكلام مال الخادم
كله انته تستاهل ازوجك بنتي ...
رباط سالفتنا هسة الما يغزر بي كلاص الماي و العشرة لو توكله برميل ملح هم مايغزر بي.